వెలుగు చూడని నా "బొమ్మలు చెప్పే కథలు" - 5 ...

Ink and Ballpoint Pen on Paper (6" x 8.5")

<-- నా "బొమ్మలు చెప్పే కథలు" - 4                                                  నా "బొమ్మలు చెప్పే కథలు" - 6 -->

కట్టిపడేసిన కదలిపోయిన కాలం...

ఎప్పుడూ ఏదో ఒక పనిలో నిమగ్నమై తలమునకలు గా ఉండటంలో అదోరకమైన సంతోషం ఉంటుంది. వెనక్కి తిరిగి చూసుకుంటే తెలియకుండానే ఇవన్నీ అప్పట్లో నేనే చేశానా అన్న ఆశ్చర్యమే ఎంతో గొప్ప గా అనిపిస్తుంది.

ప్రతి సంక్రాంతి, దసరా, వేసవి శలవులకీ "కావలి" నుంచి "నెల్లూరు" మీదుగా మా సొంత ఊరు "దామరమడుగు" కి వెళ్ళటం మాకు తప్పనిసరి. అలా తప్పనిసరి అయిన పరిస్థితుల్లో అక్కడికి లాక్కెళ్ళే బంధమే మా "బామ్మ". ('సొంత ఊరు' అన్న మాట ఎలా పుట్టిందో...బహుశా అప్పట్లో తమ ఊరు వదలి జీవనభృతి కోసం ఎక్కడికీ పోయి ఉండేవాళ్ళు కాదు, అందుకేనేమో!)

"ఒక్క సంవత్సరం ఇక్కడే ఉంటూ ఈ ఇల్లు చూసుకోమ్మా, ట్రాన్స్ఫర్ చేయంచుకుని బుచ్చి కి వచ్చేస్తాను" అంటూ "బుచ్చిరెడ్డిపాళెం హైస్కూల్" నుంచి "కావలి హైస్కూల్" కి ట్రాన్స్ఫర్ అయిన నాన్న తప్పని పరిస్థితిలో తనతో ఫ్యామిలీని తీసుకువెళ్తూ, తన ఇష్టం, కష్టం కలిపి కట్టుకున్న "కొత్త ఇల్లు" బామ్మ చేతిలో పెట్టి "బామ్మకిచ్చిన మాట". తర్వాత సంవత్సరానికే ఊహించని పరిణామాలు, మాకు ఎప్పటికీ అందనంత దూరంగా నాన్నని దేవుడు తనదగ్గరికి తీసుకెళ్ళిపోవటం.

"ఒక్క సంవత్సరం, వచ్చేస్తా అని మాటిచ్చి వెళ్ళాడు నాయనా, నాకు విముక్తి లేకుండా ఇక్కడే ఉండిపోవాల్సొచ్చింది" అంటూ నాన్న గుర్తుకొచ్చినపుడల్లా కళ్ళనీళ్ళు పెట్టుకుని ఆ మాటనే తల్చుకుంటూ బాధపడేది బామ్మ. మేము పెద్దయ్యి జీవితంలో స్థిరపడే దాకా అక్కడే ఉండిపోయి మా ఇల్లుని కాపాడుతూ, మమ్మల్ని మా అదే జీవనబాటలో ముందుకి నడిపించింది "బామ్మ".

అలా ఆ ఊరితో బంధం తెగని సంబంధం "బామ్మ" దగ్గరికి ప్రతి శలవులకూ అమ్మా, అన్నా, చెల్లీ, నేనూ వెళ్ళే వాళ్ళం. సంక్రాంతి, దసరా పండగలూ చాలా ఏళ్ళు అక్కడే జరుపుకున్నాం. మేము వెళ్ళిన ప్రతిసారీ "బామ్మ" సంబరానికి అవధులు ఉండేవికాదు. శలవులు అయ్యి తిరికి కావలికి వెళ్ళిపోయే రోజు మాత్రం బామ్మ చాలా భిన్నంగా అనిపించేది, కొంచెం చిరాకు చూపించేది, ముభావంగా పనులు చేసుకుంటూ ఉండిపోయేది. బామ్మ బాధకవే సంకేతాలు. ఓంటరి బామ్మ ఇంకొక్క రోజు మాతో గడిపే సంతోషం కోసం, రేపెళ్ళకూడదా అంటూ ఆపిన సందర్భాలెన్నో ఉన్నాయి. అయినా తిరిగి వెళ్ళాల్సిన రోజు రానే వచ్చేది. వెళ్ళే సమయం దగ్గర పడేకొద్దీ ఆ బాధ బామ్మలో ఎక్కువయ్యేది. వెళ్తున్నపుడు మెట్లు దిగి వచ్చి నిలబడి వీధి చివర మేము కనపడే దాక చూస్తూ ఉండిపోయేది. ఒక్కొకసారి మెయిన్ రోడ్డు దాకా వెళ్ళి ఏదో మర్చిపోయి తిరిగి వచ్చిన సందర్భాల్లో ఆ రెండు మూడు నిమిషాలు ఎక్కడలేని సంతోషం బామ్మలో కనిపించేది, మళ్ళీ అది మాయం అయ్యేది. బామ్మ ఒక్కటే ఎలా ఉంటుందో అని ఆలోచిస్తూ తిరుగు ప్రయాణం నాకెప్పుడూ బాధగానే అనిపించేది. నెల్లూరు నుంచి కావలి బస్ లో కిటికీ పక్క సీట్ లో కూర్చుని వెనక్కి కదిలిపోతున్న చెట్లు, ప్రదేశాలూ చూస్తూ ఆ ఆలోచనల్తోనే కావలి చేరుకునే వాడిని.

ఆ ఊర్లో రెండేళ్ళు పెరిగిన జ్ఞాపకాలతో కలిసి ఆడుకున్న స్నేహితులు కాలంతో దూరమవటం, సొంత మనుషులకి సఖ్యత లేకపోవటంతో, క్రమేపీ సొంత ఊరైనా ఆ ఊరికి వెళ్ళినపుడు చుట్టాల్లా మాత్రమే మెలగవలసి వచ్చేది. బస్సు దిగి ఇంటికి నడిచెళ్ళే దారిలో ఎదురయ్యే ప్రతి మనిషీ ఆగి మరీ మమ్మల్ని తేరపారి చూట్టం, ఒకరో ఇద్దరో ఎవరోకూడ తెలీని వాళ్ళు "ఏం అబయా (నెల్లూరు యాసలో అబ్బాయి అని) ఇప్పుడేనా రావటం" అని పలకరించటం, ఆగి "ఊ" అనేలోపు "సరే పదండయితే" అనటం, సొంత బంధువులు మాత్రం ఎదురైనా పలకరించకపోవటం, వాకిట్లో కూర్చున్న ముసలీముతకా, ఆడామగా, పిల్లాజెల్లా కళ్ళప్పగించి చూస్తుండటం తో, గమ్ముగా తల దించుకుని ఇంటికి నడుచుకుంటూ వెళ్ళిపోయేవాళ్లం.

అక్కడ శలవుల్లో ఉన్న కొద్ది రోజులూ, ప్రతి రోజూ కొంత టైమ్ పొద్దునో, సాయంత్రమో అలా పొలం దాకా వెళ్ళిరావటంతో గడిచిపోయేది. మిగిలిన టైమ్ లో ఇంట్లో కూర్చుని క్యారమ్ బోర్డ్ ఆడటం, నాన్న ఆ ఇంట్లో చేరాక కొన్న టేబుల్ మీద ఉండే PHILIPS రేడియోలో సినిమా పాటలు వినటం, లేదా Godrej బీరువా తెరిచి అందులో నాన్న గురుతులు చూసుకోవటం ఇలా కాస్త సమయం గడిచిపోయేది. అలా ఎంతలా సమయంతో ముందుకి నడిచినా అది మాత్రం ముందుకి కదిలేదే కాదు, ఏం చెయ్యాలో అస్సలు తోచేది కాదు. నాన్న దగ్గర చాలా ఇంగ్లీష్ పుస్తకాల కలెక్షన్ ఉండేది. అటకెక్కిన వాటికోసం నేనైతే పైకెక్కి బుట్టల్లో మగ్గుతున్న ఆ పుస్తకాల్ని ఒక్కొక్కటీ కిందికి దించి, బూజూ దుమ్మూ దులిపి తిరగేసేవాడిని. అయినా సరే ఆ పల్లెటూళ్ళో ఇంకా చాలా సమయం మిగిలిపోయేది. 

అలాంటి వేళల్లో నాకు తోచే ఏకైక మార్గం- కూర్చుని బొమ్మలు గీసుకోవటం, అవి చూసుకుని సంబరపడిపోవటం. అలా అక్కడ ఆ ఊర్లో, మా ఇంట్లో ఏమీ పాలుపోక వేసిన బొమ్మలే ఈ "గుఱ్ఱం బొమ్మలు". సంతకం కింద వేసిన తేదీలు చూస్తే వరసగా నాలుగు రోజులు ముందుకి నడవని కాలాన్ని నా(బొమ్మల)తో నడిపించాను. అప్పట్లో మా చిన్నప్పటి ఒక "అమెరికన్ ఇంగ్లీష్ కథల పుస్తకం" మా ఇంట్లో ఉండేది. ఆ పుస్తకానికి అన్న పెట్టిన పేరు "గుఱ్ఱాం పుస్తకం" (అవును, దీర్ఘం ఉంది, నెల్లూరు యాస ప్రత్యేకతే అది). ఈ పేరుతోనే ఇప్పటికీ ఆ పుస్తకాన్ని గుర్తుచేసుకుంటుంటాం. ఆ పుస్తకంలో ప్రతి పేజీ లోనూ మా బాల్యం గురుతులెన్నో దాగున్నాయి. దాదాపు ఆరేడొందల పేజీలుండి ప్రతి పేజీలోనూ అద్భుతమైన అప్పటి అమెరికన్ జీవన శైలిని పిల్లల కథలుగా రంగు రంగుల అందమైన పెయింటింగ్స్ తో ప్రతిబింబిస్తూ ఉండేది.  పచ్చని పచ్చిక బయళ్ళలో అందంగా ఉన్న ఇళ్ళు, అక్కడి జీవన విధానం, ఇంటి ముందు పోస్ట్ బాక్స్, రోజూ ఇంటికి జాబులు తెచ్చే పోస్ట్ మ్యాన్, ఉత్తరాల కోసం ఎదురుచూసే పిల్లలు, పారే చిన్న పిల్ల కాలువ, అందులో గేలం వేసి చేపలు పట్టటం, అవి ఇంటికి తెచ్చి వండుతున్న బొమ్మలూ, ఇంట్లో పెంపుడు పిల్లులూ, కుక్కలూ, గుర్రాల మీద చెట్లల్లో వెళ్తున్న పిల్లా పెద్దా బొమ్మలూ, స్టీమ్ ఇంజన్ తెచ్చిన రెవొల్యూషన్ తో స్టీమ్ నుంచి, ఎలెక్ట్రిక్ వరకూ రకరకాల రైలు బొమ్మలూ, ఫ్యాక్టరీల్లో పనిచేసే వర్కర్స్ జీవనశలీ, రకరకాల విమానాలూ, హెలికాప్టర్ల తో...ఇలా మొత్తం అమెరికానే కళ్ళకి కట్టి చూపెట్టిన గొప్ప "పిల్లల కథల పుస్తకం". బొమ్మలు చూట్టం తప్ప, ఇంగ్లీష్ లో ఆ కథలని చదివి అర్ధం చేసుకునేంత విద్య, అవగాహన, జ్ఞానం లేని మా బాల్యం నాటి "మా గుఱ్ఱాం పుస్తకం" అది.  

అలా కాలం ఎంత ప్రయత్నించినా ముందుకి కదలని ఒక రోజు మధ్యాహ్నం ఆ "గుఱ్ఱాం పుస్తకం" లోని గుఱ్ఱం బొమ్మలు ఒక నోట్ బుక్కులో వెయ్యటం మొదలు పెట్టాను. ఎలాంటి సవరణలకీ తావులేని పెన్నుతోనే నేరుగా వేసుకుంటూ పోవటం ఈ బొమ్మల్లో ఉన్న విశేషం. వాడిన పెన్నులు కూడా అక్కడ ఇంట్లో బామ్మ ఎప్పుడైనా పుస్తకాల్లో ఏవైనా రాసుకోడానికి టేబుల్ డెస్కులో పడుండే పెన్నులే, ఒక్కోసారి అవీ రాయనని మొరాయిస్తే పక్కన "రమణయ్య బంకు" లో రీఫిల్ కొని తెచ్చుకున్న గురుతులూ ఉన్నాయి. ఇక పేపర్ అయితే పాతబడ్డ ఆ డెస్కులోనే పడుండి, వెలుగు చూడక, కొంచం మాసి, రంగు మారిన తెల్ల పుస్తకంలో మరింత తెల్లబోయిన తెల్ల కాయితాలే. అప్పుడేమున్నా లేకున్నా ఉన్నదల్లా "ముందుకి నడవని సమయం", ఆ సమయాన్ని నడిపించాలని పట్టుదలగా కూర్చుని పట్టుకున్న పెన్నూ పేపరూ, లోపల ఉత్సాహం. ఏ పనికైనా ఇంతకన్నా ఇంకేం కావాలి?

ఇప్పుడు వెనుదిరిగి చూసుకుంటే ఖచ్చితమైన కొలతలతో తప్పులు పోని ఆనాటి ఆ నా గీతలు. ఆ గీతల్లో దాగి ఆగిన ఘని, 'ఆగని అప్పటి కాలం', ఆ కాలంతో నడిచిన నా బాల్య స్మృతులు, ఆ స్మృతుల్లో దాగిన చెక్కు చెదరని అందమైన అపురూప జ్ఞాపకాలు!

ఇప్పుడు కాలంతోపాటు మారినా మా ఊరు 'దామరమడుగు' అక్కడే ఉంది. అక్కడ మా ఇల్లూ అలానే ఉంది. లేనిది మాత్రం అక్కడే స్థిరపడాలని ఇష్టపడి తన కష్టంతో ఇల్లు కట్టుకున్న నాన్న, మా రాక కోసం ఎదురు చూస్తూ మాటకి కట్టుబడి అక్కడే చాలా ఏళ్ళు ఉండి వెళ్ళి పోయిన బామ్మ, మాతో ఆ ఇంట్లో ఆడి పాడి నడయాడిన మా చెల్లి, కదిలిపోయిన అప్పటి కాలం. ఇవన్నీ జ్ఞాపకాలుగా తనతో మోసుకుని కదిలిపోయిన కాలం, ఇప్పటికీ ఎప్పటికీ నా బొమ్మల్లో కట్టిపడేసిన కదలని సజీవం.

"ఆగని కాలం ఆగి దాగేది మన జ్ఞాపకాల్లోనే." - గిరిధర్ పొట్టేపాళెం

Details 

Reference: An American children stories book on American Daily Life.

Location: Damaramadulu - my native place in Nellore, AP, India

Mediums: Fountain pen ink, Ballpoint pen on cheap Notebook Paper

Size: 6.5" x 8" (16 cm x 20 cm)

Signed & Dated: May 15-18, 1984

వెలుగు చూడని నా "బొమ్మలు చెప్పే కథలు" - 4 ...

Ink on cheap Notebook Paper (6.5" x 8")

 

<-- నా "బొమ్మలు చెప్పే కథలు" - 3                                                  నా "బొమ్మలు చెప్పే కథలు" - 5 -->

తొలినాళ్ళలో నా పెయింటింగ్స్ మీద తెలుగు "ఆర్టిస్ట్ ఉత్తమ్ కుమార్" గారి ప్రభావం చాలా ఎక్కువగా ఉండేది. అసలు పెయింటింగ్స్ వెయ్యాలన్న తపన ఇంకా చిన్నప్పటి నుంచే ఉన్నా, ఆలోచన మాత్రం అప్పట్లో ఉత్తమ్ గారు ఆంధ్రభూమి వారపత్రిక లో కథలకి వేసున్న ఇలస్త్రేషనన్స్ స్ఫూర్తి గానే నాలో మొదలయ్యింది. ఇంజనీరింగ్ కాలేజి రోజుల్లో కేవలం ఉత్తమ్ గారి బొమ్మలకోసమే విజయవాడ కానూరు లో సిద్ధార్థ ఇంజనీరింగ్ కాలేజి నుండి బస్సెక్కి పటమట కెళ్ళి ఆంధ్రభూమి వారపత్రిక కొనుక్కుని తెచ్చుకునే వాడిని. అంతగా ఆయన పెయింటింగ్స్ అప్పట్లో నన్ను ప్రభావితం చేశాయి. బహుశా పూర్తి స్థాయి పెయింటింగ్ వారపత్రిక కథలకి వెయ్యటం అన్నది ఉత్తమ్ గారే మొదలుపెట్టిన ప్రక్రియ. నాకు తెలిసి ఆ స్థాయిలో వారపత్రిక లోపలి పేజీల్లొ కథలకి పెయింటింగులు అప్పటి ఏ ప్రముఖ ఆర్టిస్టూ వెయ్యలేదు. తర్వాత ఆంధ్రభూమి లో చాలా మంది ఆర్టిస్టులు ఆయన్ని అనుకరించటం గ్రహించాను. అలా పెయింటింగులు ఇలస్ట్రేషన్స్ గా కళకళలాడిన వారపత్రిక ఎప్పటికీ అప్పటి "ఆధ్రభూమి" ఒక్కటే తెలుగులో. 

తర్వాత ఓ ఐదారేళ్ళకి హైదరాబాదులో జాబ్ చేస్తున్నపుడు శోధించి, సాధించి, ఒకసారి పని గట్టుకుని ఎలాగోలా లోపలికి ఎంట్రీ సంపాదించి సికిందరాబాదు లో ఉన్న డెక్కన్ క్రానికిల్ పేపర్ ఆఫీసులో ఆర్టిస్టులు అందరూ కూర్చుని బొమ్మలు వేసే ఒక విశాలమైన హాలు లోపలికి కేవలం "ఉత్తమ్ గారి" ని కలవాలనే వెళ్ళాను. ఆరోజు ఒకరిద్దరు ఆర్టిస్టులు ఆ హాలులో ఉన్నారు, అయితే ఉత్తమ్ గారు లేరు. ఉత్తమ్ గారి టేబుల్ మాత్రమే చూపెట్టి ఆయన ఇక్కడే బొమ్మలు వేస్తారు, ఈమధ్యనే హాలీవుడ్ వెళ్ళారు అక్కడ వాల్ట్ డిస్నీ కంపెనీకి బొమ్మలు వేస్తున్నారు అని చెప్పారు. నిరాశతో వెనుదిరిగాను. కొద్ది రోజులకి నాలుగు పేజీల స్పెషల్ ఆర్టికిల్ ఆంధ్రభూమిలో వచ్చింది పూర్తి వివరాలతో ఉత్తమ్ గారి గురించి. తర్వాత 2008 లో ఉత్తమ్ గారితో ఫోన్ లో ముచ్చటించాను. నా కొడుకు "భువన్" ద్వారా, ఇది చాలా ఆశ్చర్యకరమైన సంఘటన, మరో ఉత్తమ్ గారి పెయింటింగులో ముచ్చటిస్తాను ;)

అలా ఉత్తమ్ గారి పెయింటింగ్స్ చూసి వేస్తూ, అలానే అనుకరిస్తూ చాలానే వేశాను. అయితే ఈ పెయింటింగ్ మాత్రం ఇంకా పూర్తిస్థాయి పెయింటింగ్ నేను మొదలుపెట్టటానికి మెటీరియల్ కూడా తెలియని, దొరకని రోజుల్లో కేవలం ఇంకు, వాటర్ కలిపి పెయింటింగులా మామూలు నోటుబుక్కు పేజీ మీద వెయ్యటం మొదలెట్టిన రోజుల్లోనిది. 

ఊరు: కావలి... సమయం: సాయంత్రం 7 గంటలు...

"కావలి" లో అప్పట్లో రోజులో సాయంత్రం చీకటిపడే వేళ మాత్రం చాలా బోరింగ్ గా ఉండేది. ఇంట్లో ఉంటే ఏమీ తోచని సమయం అది. అందుకేనేమో మగవాళ్ళందరూ అలా బజార్లో రోడ్లంబడి ఊరికే తిరిగైనా ఇంటికొస్తుండేవాళ్ళు. కావలి ట్రంకురోడ్డు కళకళలాడే సమయం అది. పనుండి బజారుకొచ్చే వాళ్ళకన్నా, స్నానం చేసి చక్కగా ముస్తాబై రోడ్లమీద తిరిగే మధ్యవయస్కులు, చల్లగాలికి నెమ్మదిగా నడుచుకుంటూ తిరిగే పెద్దవారు, హుషారుగా ఫస్ట్ షో సినిమాలకెళ్ళే కుర్రకారు తోనే ట్రంకు రోడ్డు మొత్తం కళకళలాడేది. సాయంత్రం అయితే రోడ్డు పక్కన పెట్రొమాక్స్ లాంతర్లు సుయ్ మంటూ శబ్ధం చేస్తూ చిందించే వేడి వెలుగుల్లో వెలిసే దోశల బళ్లపక్కన నిలబడి వేడి రుచులు ఆరగిస్తున్న డైలీ కస్టమర్లతో ప్రతి దోశ బండీ క్రిక్కిరిసే ఉండేది. నాకెప్పుడూ ఆశ్చర్యం గానే ఉండేది, ఈ బళ్ళ దగ్గర ఒక్కొకరు ఒక ప్లేట్ ఇడ్లి, ఒక ప్లేట్ పులిబంగరాలు, ఒక ప్లేటు దోశా...ఎర్రకారం, పప్పుల చట్నీ, కారప్పొడి మూడూ కలిపి లాగించి, మళ్ళీ ఇంటికెళ్ళి రాత్రికి భోజనం ఎలా చేస్తారా అని. ఇది నిజం అక్కడ మూడు ప్లేట్ల ఫలహారం లాగించేవాళ్ళంతా ఒక అరగంటలో ఇంటికెళ్ళి మళ్ళీ భోజనం చేసేవాళ్ళే, ఇందులో ఏమీ అతిశయోక్తి లేదు ;)

ఈ పెయింటింగ్ వేసిన సమయం సరిగ్గా ఏమీ తోచని అలాటి ఓ సాయంత్రమే. మామూలుగా అప్పుడూ, ఇప్పుడూ ఉదయమే నేను బొమ్మలు ఎక్కువగా వేసే సమయం. ఇంట్లో తక్కువ వోల్టేజి లోనూ అద్వితీయంగా వెలిగే ట్యూబు లైటు వెలుతురులో కూర్చుని ఏమీ తోచక, భిన్నంగా, ఒక సాయంత్రం ఇంట్లో గచ్చునేల మీద కూర్చుని వెయటం మొదలుపెట్టాను. చాలా త్వరగానే పూర్తిచేశాను, ఒక గంట పట్టిందేమో. ఏమాత్రం టెక్నిక్కుల్లేని నేరుగా కుంచె ఇంకులోనూ వాటర్లోనూ ముంచి వేసిన పెయింటింగ్ ఇది.

అప్పట్లో నాకున్న నైపుణ్యానికి, బొమ్మలు వెయ్యాలన్న పట్టుదలకి, పెయింటింగులో ఓ.నా.మా.లు రాకపోయినా ఎదురుగా ఏకలవ్యునికి ద్రోణాచార్యుని ప్రతిమ ఉన్నట్టు, ఉత్తమ్ గారి పెయింటింగ్ ఉంటే ఇక "బ్రష్ విద్య" కి ఎదురులేదన్నట్టు గచ్చునేలపై కూర్చుని ఏకబిగిన వేసుకుంటూ పోయానంతే. పూర్తి అయ్యాక చూసుకుని "భలే వేశాన్రా" అని  కాలర్ ఎగరేస్తూ చిందులు తొక్కిన సంబరమూ గుర్తుంది. అప్పట్లో నా బొమ్మల రాజ్యంలో మరి...బంటూ నేనే, సైన్యం నేనే, మంత్రీ నేనే, రాజూ నేనే...ప్రజ కూడా నేనే!

తర్వాత కొద్ది కాలానికి ఒక ఇంగ్లిష్ ఫిల్మ్ మ్యాగజైన్ లో, అప్పటి హింది సినిమా హీరోయిన్ "షబానా ఆజ్మీ" గారి ఒక హింది మూవీ స్టిల్ ఫొటో చూశాను, అచ్చు ఇలాగే ఉంది. అప్పుడనిపించింది బహుశా ఉత్తమ్ గారు ఆ స్టిల్ స్ఫూర్తిగా ఈ పెయింటింగ్ వేసుంటారేమోనని. ఏ ఫొటోని అయినా చూసి పెయింటింగు "లా" వెయ్యొచ్చు అన్న "టాప్ సీక్రెట్" అప్పుడే అవగతం అయ్యింది. అందరు ఆర్టిస్టులూ చేసేదిదే, ఎవ్వరూ ఆ రహస్యాన్ని పైకి చెప్పరంతే... ;)

ఏదేమైనా అలా నల్లని ఇంకు నిలువెల్లా పూసుకుని నాసిరకం పేపరు తో కుస్తీపట్లు పడుతూనే, చెయ్యి తిరగని నా చేతి బ్రష్ ఆ పేపర్ని ప్రతిసారీ ఎలాగోలా జయించే(తీరే)ది. ఇప్పుడైతే ఎన్ని టెక్కు, నిక్కులు తెలుసు(కు)న్నా మంచిరకం పేపర్ మీద కూడా పట్టే కుస్తీలో ఎప్పుడైనా పట్టుజారి ఓడిపోతుంటానేమో గానీ, అప్పట్లో మాత్రం బరిలోకి దిగితే...అసలు..."తగ్గెదే ల్యా" ;)

"చేసే పనిలో లీనమైతే ఎప్పటికీ ఆ పని ఛాయలు స్పష్టంగా మదిలో నిలిచి పోతాయి." - గిరిధర్ పొట్టేపాళెం

Details 

Reference: Artist Uttam Painting published in Andhra Bhoomi, Telugu Magazine

Mediums: Bril fountain pen ink on cheap Notebook Paper

Size: 6.5" x 8" (16 cm x 20 cm)

Signed & Dated: July 18, 1985

వెలుగు చూడని నా "బొమ్మలు చెప్పే కథలు" - 3 ...

సితార - భానుప్రియ

Ink on cheap Notebook Paper (6.5" x 8")

Facebook

<-- నా "బొమ్మలు చెప్పే కథలు" - 2                                                  నా "బొమ్మలు చెప్పే కథలు" - 4 -->

కొన్ని అనుభవాలు జీవితంలో ఎప్పటికీ తాజాగానే నిలిచి ఉంటాయి, మనం ఆ క్షణాల్లో ఆ అనుభవాల్తో పరిపూర్ణంగా ఏకమై ఉంటే. అలా అప్పటి వెలుగు చూడని నా "ఇంకు పెయింటింగుల్లో" పరిపూర్ణంగా ప్రతి క్షణమూ గుర్తున్న వాటిల్లో ఇదొకటి.

సుర్రున మండిస్తూ ముందరి వరండాలోకి కటకటాలగుండా దూసుకొచ్చే సూరీడెండని ఆపగలిగే సాధనాలు అప్పట్లోనూ ఉన్నా, అంత ఆర్ధిక స్థోమత లేదు. దుప్పటి అడ్డం కడితే వెలుతురుని కొంత ఆపగలిగినా ఆ వేడితాకిడిని ఆపటం దుప్పటి తరం అయ్యేది కాదు. మధ్యాహ్నం వెయ్యాలని కూర్చున్న ఈ బొమ్మకి నారాయణవ్వ తాటాకుల వసారానే మళ్ళీ ఆసరా అయ్యింది. ఈ పెయింటింగు మొదలెట్టింది ఒక మధ్యాహ్నం అక్కడే, పూర్తి చేసిందీ ఆ మధ్యాహ్నమే, అక్కడే. అప్పటి నా "ఇంకు పెయింటింగుల్లో" ప్రతిసారీ తప్పక వస్తున్న ప్రస్తావన "నారాయణవ్వ పూరి గుడిశ".

అవును, "నారాయణవ్వ పూరి గుడిశ", అక్కడ కూర్చునే అప్పట్లో చాలా బొమ్మలేశాను. అసలు మేముంటున్న పెంకుటిల్లూ మా నారాయణవ్వదే. రెండు పెంకుటిళ్ళ జంట, ఆ ఇళ్ళ వెనుక ఉండేది చిన్న పూరి గుడిశ, ఆ గుడిశ ముందు ఒక వసారా, వసారాలో నాపరాళ్ళ అరుగు, ఆ అరుగు మీద లోపల దిండు తో సహా చుట్టచుట్టి పెట్టిన పరుపు, కింద ఎత్తిపెట్టిన ఒక నులకమంచం. రెండు పెంకుటిళ్ళూ అద్దెకిచ్చి తను మాత్రం పూరి గుడిశ లోనే ఒక్కటే నివాసముండేది. శ్రమ, కాయకష్టమే చివరిదాకా ఆమె నమ్ముకున్న జీవనం. ఒక్కొక్క ఇంటికీ అద్దె నెలకి 100 రూ||, అయినా అమ్మ దగ్గర మాత్రం 50 రూ|| లే తీసుకునేది. అపుడున్న పరిస్థితుల్లో ఒక్క రూపాయి మిగిలినా పిల్లల చదువులకి ఉపయోగపడతాయి అన్న మా స్థితిలో, అలా సహాయం అందించి ఆదుకుని మా అభివృద్ధి బాటలో పరోక్షంగా ఎంతో పెద్ద సహాయం చేసింది "మా నారాయణవ్వ". అద్దె డబ్బులతోబాటు శ్రమించి సంపాదించుకున్న కొద్ది డబ్బులనూ జాగ్రత్తగా పొదుపుచేసి అందులోనూ కొంత మిగుల్చుకుని దాచుకునేది.

స్కూలు నుంచి శలవులకి ఇంటికొచ్చి శలవులయ్యాక తిరిగి వెళ్ళే ముందు, "వెళ్ళొస్తాను నారాయణవ్వా" అని చెప్పటానికి వెళ్ళిన ప్రతిసారీ "ఉండు నాయనా" అంటూ లోపలికెళ్ళి గుప్పెటలో మడిచిన 5 రూ|| ల కాయితం నా చేతిలో పెట్టేది. వద్దు నారాయణవ్వా అని ఎంత చెప్పినా వినేది కాదు. బహుశా ఆ 5 రూ లు అప్పట్లో ఆమెకి ఓ రెండు మూడు రోజుల సంపాదన, ఓ పదిరోజుల సేవింగ్స్ అయి ఉండొచ్చు. ఇలా క్రమం తప్పక ప్రతి శలవులకీ నాకు డబ్బులిచ్చిన "ఏకైక వ్యక్తి" గా "మా నారాయణవ్వ" నా మనసులో ఈనాటికీ పదిలంగా ఉండిపోయింది, అందుకే అప్పటి నా బొమ్మల్లో ఆమెని తల్చుకోకుండా ఉండలేను, ఎప్పుడూ గుర్తుచేసుకుంటూనే ఉంటాను.

ఈ బొమ్మ కూడా స్ట్రెయిట్ గా Bril ఇంకు బుడ్డీ, ఆ బుడ్డీ మూత ప్యాలెట్టు, మగ్గుతో నీళ్ళు, ఒకే ఒక్క బ్రష్, నాసిరకం నోట్ బుక్ పేపర్ మీద ఫ్రీ హ్యాండ్ తో వేసిందే. ఆధారం, వార పత్రికలో వచ్చిన "సితార భానుప్రియ" స్టిల్. అప్పటిదాకా పెన్సిల్, బాల్ పాయింట్ పెన్ తో అచ్చు గుద్దినట్టు పోర్ట్రెయిట్ లు వెయటం సాధనతో  నేర్చుకున్నా. బ్రష్ తో కూడా సాధన చేస్తే సాధించగలనన్న బలమైన నమ్మకానికి పునాది వేసిన పెయింటింగ్ ఇది. ఇప్పుడు డిజిటల్ బొమ్మలో తెలియట్లేదు గానీ, అప్పటి నాకళ్ళకి మాత్రం ఆ డ్యాన్స్ కాస్ట్యూమ్, వేసుకున్న ఆభరణాలూ జిగేలుమంటూ వెలిగిపోతూ కనిపించేవి. బొమ్మ కింద పెట్టే సంతకం అప్పటికింకా పరిణతి చెందలేదు. ఇందులో కింద కనిపించే స్ఫురణకు రాని 19 అన్న అంకె నాకూ వీడని మిస్టరీనే!

అప్పటి బొమ్మల్లో తప్పులూ, తడికలూ, తప్పటడుగులూ వేసి ఉన్నా, అనాటి ఆపాటి జ్ఞానానికి అందుబాటులో నాకు తెలిసిన పరుగు అంతే. పడుతూ లేస్తూనే కొంచెం మెరుగవుతున్నాననిపిస్తూ ఇంకా ఉత్సాహంగా పరిగెట్టటమొక్కటే తెలుసు. అలుపులేని పరుగులో ఎప్పుడైనా ఇలా ఆగి ఒక్కసారి పరిగెట్టిన దూరం కొలుద్దామని ప్రయత్నిస్తే ప్రతి బొమ్మలో, ప్రతి మలుపులో ఎన్నో, ఎన్నెన్నో మధుర స్మృతులుగా మారిన జ్ఞాపకాలే ఆ దూరం కొలిచే నా కొలమానాలూ, కాలమానాలూ...

"ప్రతి అనుభవాన్నీ ఒక మంచి జ్ఞాపకంగా, ఆ జ్ఞాపకాన్ని ఓ మంచి స్మృతిగానూ మలుచుకోగలిగే జీవితం చిన్నదే అయినా దాన్ని సంపూర్ణంగా జీవించినట్టే." - గిరిధర్ పొట్టేపాళెం

Details 

Title: సితార - భానుప్రియ

Reference: A photo published in a Telugu weekly magazine

Mediums: Bril fountain pen ink on cheap Notebook Paper

Size: 6.5" x 8" (16 cm x 20 cm)

Signed & Dated: Aug 18, 1985

వెలుగు చూడని నా "బొమ్మలు చెప్పే కథలు" - 2 ...

కొల్లేరు సరస్సు

Ink on cheap Notebook Paper (11" x 14")

Facebook

<-- నా "బొమ్మలు చెప్పే కథలు" - 1                                                  నా "బొమ్మలు చెప్పే కథలు" - 3 -->

అప్పట్లో వెయ్యలన్న తపనే నా "పెయింటింగ్ స్టుడియో"! ఇంట్లో ఉన్న ప్లాస్టిక్ నవ్వారు కుర్చీ, వాల్చిన ప్లాస్టిక్ నవ్వారు మంచం ఇవే నా పెయింటింగ్ ఫర్నీచర్లు. Bril ఇంకు బుడ్డి, అదే ఇంకు బుడ్డీ మూత (ఇదే నా ప్యాలెట్టు), మగ్గుతో నీళ్ళు...ఇవి పక్కన పెట్టుకుని  కూర్చుని బ్రష్షు పట్టుకుంటే గంటలకొద్దీ దీక్షలోకెళ్ళినట్టే, ఇక లేచే పనేలేదు.

అప్పుడిలా ఎక్కువగా వేసిన పెయింటింగ్స్ అన్నీ పొద్దున 9గం నుంచి మధ్యాహ్నం 2గం లోపు వేసినవే. అమ్మ స్కూలుకి, అన్నేమో కాలేజి కో లేదా ఫ్రెండ్స్ అనో వెళ్లటం...ఎప్పుడన్నా మధ్యాహ్నం కొనసాగించాల్సి వస్తే నేనూ, నా పెయింటింగ్ స్టుడియో "నారాయణవ్వ తాటాకుల పూరి గుడిశ" కి షిఫ్ట్ అయ్యేవాళ్లం.

ఈ పెయింటింగ్ "ఆంధ్రభూమి న్యూస్ పేపర్ ఆదివారం స్పెషల్ సంచిక" లో వచ్చిన "కొల్లేరు సరస్సు కలర్ ఫొటో" ఆధారంగా వేసింది. పెన్సిల్ గానీ, స్కేలు గానీ వాడకూడదు, అవి వాడితే ఆర్టిస్ట్ కాదు అన్న "పెద్ద అపోహ" ప్రస్ఫుటంగా ఇందులో కనిపిస్తుంది. బోర్డర్ లైన్స్ కూడా ఏ స్కేలో, రూళ్లకర్రో ఆధారం లేకుండా బ్రష్ తోనే వెయ్యాలన్న అర్ధం లేనిదే అయినా, వృధా కా(రా)ని ప్రయత్నం.

ఇక ఇందులో చెప్పుకోటానికి ఒక్కటంటే ఒక్క టెక్నిక్ కూడా లేదు, అప్పుడు టెక్నిక్కులే తెలీవు, తెలిసినా అసలా నాసిరకం పేపరు మీద టెక్నిక్కులకి తావేలేదు. మధ్య మధ్యలో లేచి దూరం నుంచి ఒక చూపు చూస్తే ఎలా వస్తుందో కరెక్ట్ గా తెలిసిపోతుంది, సవరణలేమైనా ఉంటే చేసుకోవచ్చు లాంటి "టాప్ సీక్రెట్ లు" కూడా ఉంటాయనీ తెలీదు. తెలిసిందల్లా కింది పెదవిని పంటితో నొక్కి పెట్టి, చెరిపే వీలు లేని ఒక్కొక్క బ్రష్ స్ట్రోక్ జాగ్రత్తగా వేసుకుంటూ పోటమే. బొమ్మయ్యాక అందులో ఉన్న ప్రతి ఆబ్జెక్టు కొలతా కొలిచినట్టు కరెక్ట్ గా ఉండాలి, పక్కవాటితో చక్కగా ఇమడాలి, లేదంటే పూర్తి బొమ్మ ఎబ్బెట్టుగా అనిపిస్తుంది. ఎందుకనిపిస్తుందీ అని సరిపెట్టుకోటానికి మనమంత మాడ్రన్ ఆర్టిస్ట్ కాదు, మనది మాడ్రన్ ఆర్టూ కాదు ;)

ఏదేమైనా అప్పట్లో మాత్రం "భలే ఏసేన్రా" అని నాకు నన్ను వెన్నుతట్టుకుని ప్రోత్సహించుకుని ముందుకి అడుగులేసిన నా పెయింటింగ్ బొమ్మల్లో చాలా సంతృప్తిని ఇచ్చిన వాటిలో ఇదీ ఒకటి. ఈ పెయింటింగ్ నాకెంతగా నచ్చిందంటే, తర్వాత మళ్ళీ దీన్నే కొంచెం బెటర్ అనిపించే మందమైన పేపర్ మీద వేశాను. అయితే పేపర్ కాస్త మెరుగే అయినా నాసిరకం రంగుల్లో మళ్ళీ ఈ బొమ్మనే రిపీట్ చేశాను.

అలా నేను వేసేది పెయింటింగో కాదో కూడా తెలీకుండానే వేసుకుంటూ వెళ్ళిన బాటలో ఒంటరిగా నడుచుకుంటూ ముందుకెళ్ళాను. అందుకేనేమో ఇన్నేళ్ళయినా వెనక్కితిరిగి చూస్తే వేసిన ప్రతి అడుగూ చెక్కుచెదకుండా స్పష్టంగా మనసుకి కనిపిస్తుంది.

"మనం చేసే పనిపైన ధ్యాసే ముఖ్యమైతే దాని ఫలితం ఎప్పటికీ అబ్బురమే."

- గిరిధర్ పొట్టేపాళెం

Details 

Reference: A color photo published in Andhra Bhoomi Newspaper Sunday special

Mediums: Bril fountain pen ink on cheap Notebook Paper

Size: 11" x 14" (28 cm x 36 cm)

Signed & Dated: Jan 7, 1986

బాలు గారి దివ్య స్మృతిలో...

 

S. P. Balasubrahmanyam

Ink & Watercolors on Paper

అమృతం మాత్రం తమవద్దుంచుకుని 

బాలు గానామృతాన్ని మనకొదిలేశారు

అ దేవతలూ దేవుళ్ళూ.....పాపం!

బాలు గారి దివ్య స్మృతిలో ఒక సంవత్సరం...

Details 

Mediums: Ink Pen & Watercolors on Paper

Size: 8.5" x 11" (21.5 cm x 27.9 cm)

Surface: Artist's Loft Sketchbook 75 LB

ఎంత ఎదిగిపోయావయ్యా...

మెగాస్టార్ "చిరంజీవి"

Watercolors on Paper (8.5" x 11")

అభిమానానికి కొలమానమూ, కాలమానమూ రెండూ ఉండవు.

ఎవరినెప్పుడెంతగా అభిమానిస్తామో ఒక్కోసారి మనకే తెలీదు.

కొందరు మనకేమీకాకున్నా వారిపై అభిమానం చెక్కుచెదరదు.

చెదిరితే అది అభిమానం కానే కాదు!

మననభిమానించే ఒక్క మనసుని పొందగలిగినా మన జన్మ సార్ధకం అయినట్టే.

అలాంటిది కోట్లకొద్దీ అభిమానుల్ని పొందగలిగితే అతను "చిరంజీవి" గా ఉన్నట్టే.

"చిరంజీవి" స్వయంకృషి తో ఎక్కిన తొలిమెట్టు నుంచీ ప్రతిమెట్టునీ చూసిన అభిమాన తరం మాది.

ప్రతి స్టార్ కీ అభిమానులున్నా మంచి మనసున్న "మెగా స్టార్" కే మెగాభిమానులుంటారు.

"చిరంజీవి"...

ఎంత ఎదిగిపోయావయ్యా!

ఎందరి గుండెల్లో ఒదిగిపోయావయ్యా!!

దేవుడనే వాడొకడుంటే

దీవించక తప్పదు నిన్ను!!!

"మెగా చిరంజీవి" కి జన్మదిన శుభాకాంక్షలు!

 

Details 

Mediums: Ink Pen & Watercolors on Paper

Size: 8.5" x 11" (21.5 cm x 27.9 cm)

Surface: Artist's Loft Sketchbook 75 LB

డేరింగ్ & డాషింగ్ హీరో...

Portrait of Telugu Hero "Super Star Krishna" - on his Birthday!

Watercolors on Paper (8.5" x 11")

Facebook  Instagram

"హీరో" అంటే ఇలానే సాహసాలు చెయ్యాలి...అని "నాటి తరం" లో ఎన్నో సాహసాలు చేసి ఎవ్వరికీ అందని రికార్డులు, డేరింగ్, డాషింగ్ తో బాటు "అరుదుగా దేవుడిచ్చే మంచి మనసు" నీ తన సొంతం చేసుకున్న "హీరో కృష్ణ" అప్పుడూ, ఇప్పుడూ, ఎప్పుడూ "సూపర్ స్టారే"!

అభిమానానికెప్పుడూ కొలతలు లేవు, ఎల్లలు అసలే లేవు.

నా చిన్ననాటి జ్ఞాపకం, అభిమానం రెండూ కలిపి వేసిన ఈ బొమ్మ "మన సూపర్ స్టార్" పుట్టినరోజు నాడు "హీరో కృష్ణ" కి అంకితం!

ఇన్నేళ్ళు పట్టిందా ఈ బొమ్మ వెయ్యటానికి అనుకుంటూ...

ఇన్నేళ్ళకి అయినా వేశానన్న సంతృప్తి...

వెలకట్టలేనిది, ఏ కొలతలకీ అందనిది!

Happy Birthday!

Long live with good health, "Super Start Krishna"!!

Details 

Reference: Picture of Super Star Krishna (movie: అన్నదమ్ముల సవాల్)

Mediums: Ink Pen and Watercolors on Paper

Size: 8.5" x 11" (21.5 cm x 27.9 cm)

Surface: Artist's Loft Sketchbook 75 LB

Gentleman....

 

Portrait of Rithvik Pottepalem

Watercolors on Paper 8.5" x 11"  

A boy becomes a man by age. A man becomes a gentleman by his behavior and maturity.

A very "Happy Birthday" to my Son, a boy who becomes a Gentleman by all means!

Happy Birthday Rithvik!

Always be gentle and a Gentleman!!

Details 

Title: Gentleman...

Reference: Picture of my son Rithvik

Mediums: Ink and Watercolors on Paper

Size: 8.5" x 11" (21.5 cm x 27.9 cm)

Surface: Artist's Loft Sketchbook 75 LB

నా మొట్ట మొదటి బ్యాంక్ అకౌంట్...

నాకప్పుడు నిండా 9 ఏళ్ళే, అప్పుడే బ్యాంక్ అకౌంటా...

అదే "గురుకుల విద్యాలయ" మహత్యం. మా స్కూల్ - "ఆంధ్రప్రదేశ్ గురుకుల విద్యాలయం, కొడిగెనహళ్ళి", హిందూపురం దగ్గర, అనంతపురం జిల్లా. స్కూల్ పక్కనే "సేవామందిర్" చిన్న గ్రామం లో ఒక బ్యాంక్ ఉండేది, స్కూల్ మెయిన్ గేట్ ఎదురుగా తారు రోడీక్కి చూస్తే కనపడేది. చిన్న గది బ్యాంక్ వెనకవైపు వ్యూ కనిపించేది. ఒక చిన్న వరండా, ఒక్క రూమ్ ఉన్నట్టు జ్ఞాపకం. బ్యాంక్ పేరు మది లోతుల్లో దాగి బయటికి రానంటుంది, బహుశా ఎప్పుడూ గుర్తుచేసుకోలేదని న(అ)లిగి చెరిగిపోయిందేమో!

మాది రెసిడెన్షియల్ స్కూల్ కావడంతో ఆ బ్యాంక్ లో మా స్కూల్ విద్యార్ధుల కోసం ఏర్పాటు చేసిన ప్రత్యేక సదుపాయం అది. స్కూల్ లో చేరిన రోజే వచ్చిన తలిదండ్రులకో, పెద్దవాళ్ళకో ఆ వివరాలిచ్చి ఖాతా తెరవండి అని చెప్పి  ప్రోత్సహించేవారు. అందరూ అ సదుపాయం ఉపయోగించుకునే వాళ్ళు కాదు. కానీ నన్ను 5 వ క్లాస్ లో స్కూల్లో చేర్చటానికి తీసుకెళ్ళిన మా తాతయ్య "శ్రీ|| జలదంకి మల్లిఖార్జునం, B.A., (Retd. Deputy Collector)" నా పేరు మీద ఖాతా తెరిపించి అందులో 5 రూపాయలు డిపాజిట్ చేశారు. నాదగ్గర పాస్ బుక్ కూడా ఉండేదప్పుడు.

ఆరేళ్ళు ఆ బ్యాంక్ కి ఒక్కసారి కూడా వెళ్ళలేదు, అయినా నా డబ్బులూ, అకౌంటూ వాళ్ళ రికార్డుల్లో అలాగే భద్రంగా ఉన్నాయి. 10 వ క్లాస్ పరీక్షలు రాసి "గురుకుల విద్యాభ్యాసం" ముగించి ఇంటికి వెళ్ళిపోయే రోజు కోసం "జీవిత కాలం" నిరీక్షించిన రోజు రానే వచ్చింది. తొమ్మిదేళ్ళవయసుకి ఆరేళ్ళ నిరీక్షణ ఒక జీవితకాలం కన్నా బహుశా ఇంకా ఎక్కువేనేమో. ఆరోజు కలిగినంత సంతోషం జీవితంలో బహుశా ఎప్పుడూ కలగ(లే)దేమో, ఇంక ఎప్పుడూ అమ్మ, అన్న, చెల్లెలు, బామ్మ నీ వదిలి దూరంగా వెళ్ళే అవసరమే ఉండదన్న ఒక్క ఆలోచనకే అదంతా. చాలా మంది స్నేహితులు పరీక్ష అయిన రోజే ఇళ్లకు వెళ్ళిపోయారు, కొద్ది మంది మాత్రం ఆ రోజు స్కూల్ లోనే ఉండి తరువాతి రోజు బయలుదేరి వెళ్లాం.

నా బ్రౌన్ కలర్ లెదర్ సూట్ కేసూ, భుజానికి తగిలించుకునే ముదురాకుపచ్చ ఎయిర్ బ్యాగూ, బెడ్డూ, నాలుగైదు జతల బట్టలూ, ప్లేటూ గ్లాసూ, క్యాన్వాస్ షూస్, చెప్పులూ, ఒకటో రెండో లేపాక్షి నోట్ బుక్కులూ ఇవే స్కూల్ నుంచి మోసుకెళ్ళాల్సిన నా వస్తువులు...కానీ వాటితోబాటే జీవితకాలానికి సరిపడా తీసుకెళ్తున్న జ్ఞాపకాలూ ఉన్నాయి గుండెల్లో...అన్నీ సర్దుకుంటుంటే బయట పడ్డ పాస్ బుక్ తీసుకుని ఒక స్నేహితుడితో బ్యాంక్ కి వెళ్ళటం ఇంకా గుర్తుంది.

ఆ బ్యాంక్ వాళ్ళతో ఏం మాట్లాడాలో, ఎలా చెయ్యాలో, డబ్బులు ఇస్తారో లేదో, ఇన్నేళ్ళదాకా అకౌంట్ ఉందో లేదో ఇలా అనేక ప్రశ్నల ఆలోచనలతో వెళ్ళిన నన్ను ఆ బ్యాంక్ వాళ్ళు ఒక్క ప్రశ్న కూడా వెయ్యలేదు. "స్కూల్ అయిపోయింది, ఇక రాను, ఇంటికెళ్ళిపోతున్నాను" పాస్ బుక్ ఇస్తూ ఇంతే చెప్పినట్టు గుర్తు. పాస్ బుక్ తీసుకుని, లెక్కలు వేసి చేతిలో పెట్టిన ఐదు రూపాయలా ముప్పై పైసలు, ఒక పది పైసలో ఇరవై పైసలో క్లోజింగ్ ఫీ కింద తీసుకున్నట్టు గుర్తు. చేతిలో ఆ డబ్బులు చూసి చెప్పలేని ఆనందం, ఆ 5 రూపాయలు చూసి కాదు, వడ్డీ రూపంలో ఇంకో ముప్పై పైసలు ఎక్కువ ఇచ్చారని.

తర్వాత పది నిమిషాల్లోనే ఆ ముప్పై పైసలు తో ఆ పక్కనే ఉన్న చెక్ పోస్ట్ బంక్ లో "టైం పాస్", "బర్ఫీ" కొనుక్కుని చప్పరించేశాం. ఆ ఐదు రూపాయల్తో మాత్రం 2 K.M. "హిందూపురం" వెళ్ళి, మా స్కూల్  పక్కనున్న పెన్నా బ్రిడ్జి దగ్గరనుంచి కనిపించే  "శ్రీనివాస థియేటర్" లో బెంచి టిక్కెట్టు (పేరుకు బెంచి టిక్కెట్టే అది కొత్తగా ఆ ఇయర్ కట్టిన మాడ్రన్ థియేటర్, నేల కెళ్ళినా కుర్చీలే) కొనుక్కుని "బొబ్బిలిపులి" సినిమా నూన్ షో కెళ్లాం.  ఇంకా బాగా గుర్తు సినిమా మొదలు టైటిల్స్ లో...భారతదేశం మ్యాప్ లో NTR ఎంట్రీ, క్లోజప్  షాట్ లో NTR ఫేస్ మీద "బొబ్బిలిపులి" టైటిల్,  తరువాత "విశ్వ విఖ్యాత నటసార్వభౌమ డాక్టర్ యన్.టీ.రామారావు"...అది చూసి మేము కొట్టిన విజిల్...థియేటర్ లో అదిరేలా నేను కొట్టిన ఒకేఒక్క విజిల్!

పట్టలేని ఆనందం ఆ రోజంతా ఇంటికెళ్ళిపోతున్నాం ఇంక ఎప్పుడూ ఇంత దూరంగా ఇంటికి ఉండే పని లేదని. కానీ అప్పుడు తెలీదు అది కేవలం మొదలు మాత్రమేననీ, తరువాతి చదువంతా ఇంటికి దూరంగానేననీ, ఆ తర్వాత ఉద్యోగంతో దేశమే వదలి ఇంటికి ఇంకా ఇంకా దూరంగా వెళ్ళిపోతున్నాననీ, ఇంట్లో గడిపిన బాల్యం అంతా కలిపి కేవలం ఆ తొమ్మిదేళ్ళలోపేననీ...

"బొబ్బిలి పులి" - NTR

ఏ జ్ఞాపకం తలుపుతట్టినా ఆ జ్ఞాపకంలో ఏదో ఒక నా బొమ్మ కనిపిస్తూనే ఉంటుంది, ఆర్ట్ తో ఇంతగా నా జీవితం పెనవేసుకుని ఉందా అప్పటి నుంచే అనిపిస్తూ, నను నిత్యం మురిపిస్తూ...

~~~ ** ~~~

"వెనక్కి తిరిగి చూసుకుంటే ఎవరికైనా జీవితాన కనిపించి పలకరించేవి చెదిరిపోని జ్ఞాపకాలే!" - గిరి

ఆశ్చర్యం, ఆనందం, అభిమానం అన్నీ కలిసి వచ్చిన క్షణం...

"అబ్దుల్ రజాహుస్సేన్" గారు... Abdul Rajahussain

రెండ్రోజుల క్రితమే ఫ్రెండ్ రిక్వెస్ట్ వస్తే ప్రొఫైల్ చూసి మంచి అభిరుచి ఉన్న వ్యక్తి లా అనిపించి రిక్వెస్ట్ యాక్సెప్ట్ చేయ్యటం, ఇంత త్వరగా ఆయన నా "బొమ్మల లోకాన్ని" చుట్టెయ్యటం, అంతే కాక నా గురించి, నా బొమ్మల గురించి ఇంత క్షుణ్ణంగా రాసెయ్యటం చూస్తే సంభ్రమాశ్చర్యాలతో ఒక పక్కా,, ఆనంద డోలికల్లో మరోపక్కా నా మనసుని ముంచేస్తోంది.

నా రాతలూ గీతలూ చదివీ చూసీ ఓపిగ్గా రాయటానికి ఎంతో సమయం కావాలి. ఈ భూమిపైన అత్యంత విలువైనది ఏదీ అంటే ఆలోచించకుండా "time" అనే చెప్తాను. ప్రతి మనిషి జీవితంలో time is the only asset that is fixed and limited. ఆ time ఎవరైనా మనకోసం ఒక్క నిమిషం వెచ్చించినా instant గా నా మదిలో permanent గా చోటుచేసుకుంటుంది. అలాటిది "అబ్దుల్ రజాహుస్సేన్ గారు" ఎవరో తెలియని నాకోసం వెచ్చించిన ఆయన సమయంతో ఆయనపై అభిమానం ఉన్నతంగా నా మదిలో కొలువయ్యింది...

ఇది నా బొమ్మలకు దక్కిన "అరుదైన గౌరవం" గా భావిస్తున్నాను. ఆశ్చర్యం, ఆనందం, అభిమానం అన్నీ కల కలిపి ఒక్కసారే పొందటం కూడా అరుదే!

ఇతరుల Time కీ, మనిషులకీ నేనిచ్చే ప్రధాన్యత ఇంతే...నా మనసింతే...నేనింతే...నేను మారనంతే!

Straight from my Heart
-- Giri

బొమ్మలలో "మునిగిన" నన్ను ఎత్తి బయటి ప్రపంచానికి పరిచయం చెయ్యాలని ఒక మంచి మనసు చేసిన సుప్రయత్నం...
చిత్రకళలో.. " గిరి " శిఖరం.!!

 From Facebook
Also, here is the link to click/paste into the browser: https://www.facebook.com/abdul.rajahussain/posts/2921850984766537

Looking Back 2020...

As the planet we live on has completed another milestone in the universe with it's own completion of yet another rotation around the Sun, we mark it on our timeline as an end-of-a-year, tag it with our bundled-experiences, and enter a brand new year. We enter new year with greater hope than the previous. Before this year slips fully into memories, I look back into it with my heartfelt artful (re)view of my (he)art.

2020 - THE YEAR OF MANY FACES

The year of Pandemic - 2020 was an unprecedented year in many ways. It was also an unforgettable and the most challenging year for everyone. The Pandemic caused by invisible has been an experience carried forward into next year, the one that humans have never experienced before. Many lives have been tragically taken, many more lives have been fearfully shaken, and all lives have been badly impacted in some way or other.

The face of PANDEMIC

The year 2020 had clearly revealed "the world today" and the unhealthy life-style of all of us. In this ever super-advanced living age of medicine, science and technology, even after a full-year of dealing with it, the world still has been struggling to fight with it, the invisible that cannot even survive at all by itself for even several hours. It took millions of lives just by taking help from us to let it spread. In many ways, this year has taught us how-to-live and how-not-to-live.

The face of HUMANITY

Human beings suddenly started to regain their long-lost "being", by helping other humans around them who have been unlucky and got hit badly by this Pandemic. "How long that 'being' stays with humans?" is a question that future has to answer. 

The face of MASK

Mask - the ever "simplest invention" by humans became the "greatest invention" ever, this year. It got onto every single human face quickly as a protective measure against the invisible and remained on the face for the longest period (may be never ending, only future decides this new avatar of humans) that one could ever imagine. For one's own and each others' safety, wearing a mask in public even became a mandate in many places across the globe. The technology giants who invented many wearables never even thought of a wearable-mask-gadget. Mask is going to remain the dominant wearable in human history.

The face of REALITY

A year that started like any other but dramatically took a turn into a "deadly year". Many families lost their near and dear to this invisible. The reality of this Pandemic is nothing but a "tragedy".

MY WRITINGS

In addition to Art, my soul enjoys reading and writing. I read few books and continued reading something or other almost everyday. Writing has even become more of a serious hobby in 2020. I accepted a 10-days-art-challenge by an Artist who herself did not do it for 10 days. When I accepted, I thought of just posting my old college days paintings. But I started writing on day-1 about the very first painting I posted. I had to take myself back into those years to recollect everything around that painting. I continued that each day for 10 days. At the end I felt happy I did it the way I thought of doing it without giving it up. I enjoyed describing my experiences with each one of my paintings that I chose to post each day of those 10 days. Some people who followed me on that series, encouraged me to keep going on the path that I chose. At the end I was so happy I did it. It made me live back again in 1980s and 1990s.

Who said you only live once? You can live as many times as you want to, and live as longer as you want to, if you leave your own mark on this planet in this digital age.

I also recollected some of my childhood and early after-college memories into my writings. Of course, I continued to write about current Software Technology on my technology blog.

As I always say, an artist's painting is best explained by the Artist only. No matter how many centuries people do research on an Artist's painting, they will not find even a tiny-percent of the Artist's heart in his/her Art.

MY ART - Many Face(s) in it

Art has become an inseparable part of my week-end life. I just can't live without doing or thinking of doing it on any given week-end. The joy of starting and working on a painting makes me feel my life fully. Soon after I finish a painting, the life within me starts getting empty for fulfilling it. Fulfilling a desire is what gives a true meaning to life!

The face of Portraits

I would call year 2020, the year of Portraits. Portraits took dominant part in my art categories this year. I mostly did portraits of people who touched my heart and my life.

The face of a Resolution

I also did 3 special portraits of unknown people when random people on Instagram and WhatsApp approached me for a favor. Two of those three were double portraits, first of that kind. One of those two, in fact, was the one that I spent most of my time on a portrait ever. It took almost 3 full weekends of my time. I was also mentally restless while I was doing this, I had to get this right. If I made any major mistake, I had to start it over. After all my efforts, time, being on top of it, keeping other planned works aside, at the end, I did not even get a single word of "thank you" in return. When I got a request-for-favor-message on WhatsApp for that particular portrait, it was a bit pleasingly descriptive request. After finishing it, I was so excited to send a message along with the image. But the response I got was a simple two-click Namaskar-icon on WhatsApp. The response was very discouraging and made me regret.

I learned the fact: Anything that comes for free has no value and is cheap in life. Not many people have any respects for others' time and efforts!

I will not be taking favor-requests any more. Wasting my time for people who do not value it is in fact, "me insulting my own time & life". I have done this enough. This is not the first of such regrets, but should the last of such!

The face of Happiness

There are still people who respect and value Art. I was very happy when Mrs.Mrinalini Shastry from Six Yards Plus, Hyderabad approached me through Instagram to buy one of my Paintings that she fell in love with and bought 3 of my Paintings. She was very professional and left her own impressive and respectful mark in my Art. I donated all the money I received in return for those 3 paintings, to an "underprivileged kids home" in Hyderabad, India. This was a multi-happy-moment for my Art this year.

Despite 2020 being very challenging with deadly pandemic measures, I was still able to create many satisfying portraits that were near to my heart, and take several very-fine and fully-lived-in moments into my memories!

Overall, for me, 2020 has been the year of Affection, Love, and Humanity!

Heartfelt Good-Bye to 2020 !

Heartful Welcome to 2021 !!

Yet another reason to Smile...

"Yet another reason to Smile"

Portrait of Chi. Bhuvan

Watercolors on Paper (8.5" x 11")  

మన "బాపు" పుట్టిన ఈ రోజు

అంతటా తెలుగు బొమ్మల పండుగ

మా "భువన్" పుట్టిన అదే రోజు

మా ఇంట చిరునవ్వుల సందడిగా

రంగులు తోడై నవ్వులబొమ్మ పండగా...

Yet another reason to Smile in my life- my dear Bhuvan!

Since that first day of his very first Smile when Bhuvan came into my life, I have had a bigger reason to Smile. Today, it's been 18 years of that magic Smile!

A Smile on a face always reflects on another face. A Smile with oneself reflects on one's own Soul. A Smile with your loved-one reflects on your life!

With a Smile on my face from my Soul, I wish my dear "బంగారు బాబు"

A VERY HAPPY BIRTHDAY with MANY MANY SMILES of the day!

"A child's smile is worth more than all the money in the world." ~ Lionel Messi 

Details 
Title: Yet another reason to Smile (Portrait of Chi.Bhuvan)

Mediums: Watercolors
Size: 12" x 16" (30.5 cm x 40.5 cm)

Surface: Fabriano extra-white Watercolor Paper, Cold Press, 140 LB

ఎక్కడో ఉండే ఉంటాడు...

నేను, లక్ష్మి, అన్న (Dec 29, 1976, Kavali)

నా "కావలి" - తియ్యని జ్ఞాపకాలు

"ఎంగటేశులు" చనువున్నోళ్ళూ, నోరు తిరగనోళ్ళూ "వెంకటేశ్వర్లు" పేరు ని పిలిచే తీరు. ఆ పిలుపులో చనువూ ఆప్యాయతా రెండూ విడదీయరానంతగా కలిసిపోయి ఉంటాయి. కొందరు "వెంకటేశ్వర్లు"లకైతే అదే అసలు పేరైపోయేది, పిల్ల పెద్దా అందరూ అలానే పిలిచేవాళ్ళు.

"కావలి" - గుర్తుకొస్తేనే జ్ఞాపకాల కెరటాలు మనసులోతుల్లోంచి వచ్చి మదిని సున్నితంగా తాకి అలా వెళ్ళిపోతూ ఉంటాయి. ఎనిమిదేళ్ళ వయసులో, రెండు మూడేళ్ళు "పచ్చని పల్లెసీమ" లో ఆటపాటల్తో గడిచిన బాల్యం తర్వాత నాన్న హైస్కూల్ టీచర్ జాబ్ ట్రాన్స్ ఫర్ తో  "కావలి టౌన్" కొచ్చాం. పాతూరు గర్లిస్కూల్ దగ్గర అమ్మమ్మ వాళ్ళింట్లో చేరాం. నిజానికి కావలి అమ్మమ్మ వాళ్ళ ఊరు. కానీ అప్పుడు అక్కడ లేరు, తాతయ్య కందుకూరు లో తాసిల్దారుగా పనిచేస్తుండడంతో అమ్మమ్మవాళ్ళూ అక్కడే ఉన్నారు.

ఎక్కువగా పెద్ద పెద్ద ఇళ్ళు, రోడ్లు, విష్ణాలయం, శివాలయం, కలుగోళ్ళమ్మ దేవాలయం, ఇంకా చిన్న చిన్న ఆలయాలు, చర్చిలు, మశీదులు, మందిరాలు, పార్కులు, లైబ్రరీలు, ఐదారు సినిమా హళ్ళూ, ఊరు మధ్యలో వెళ్తూ ఎప్పుడూ వాహనాల్తో రద్దీగా ఉండే గ్రాండ్ ట్రంక్ రోడ్, రోడ్డుకిరువైపులా చిన్న హోటల్స్, ఫ్యాన్సీ స్టోర్స్, క్లాత్ మర్చంట్స్, షూస్, బేకరీస్, ఫర్నీచర్స్, స్వీట్స్, టైలరు షాపులు, ఫొటో స్టుడియోలు, చిన్న చిన్న బంకులు, ఇలా అన్నిరకాల షాపులూ... పళ్ళూ, ప్లాస్టిక్ సామాన్లూ, వేపిన వేరుశనక్కాయలు, పులిబంగరాలు, మసాల వడలు, ఇడ్లీ, దోశ టిఫిన్లూ, ఇలా వివిధ రకాల తోపుడు బళ్ళూ... సెంటర్ లో తారు రోడ్డుపైన ఒకపక్కగా శుభ్రంగా చిమ్మి చుట్టూ చిన్న చిన్న రాళ్ళ బోర్డర్ తో మధ్యలో రంగు రంగుల చాక్ పీసులతో మెరుపులద్ది మెరిసిపోయే ఆంజనేయ స్వామి, యేసుప్రభుల బొమ్మలు, ఆ బొమ్మలపైన అక్కడక్కడా విసిరిన ఐదు, పది పైసల బిళ్ళలు... గోడల నిండా ఎక్కడ చూసినా సినిమా వాల్ పోస్టర్లు, "మశూచి తెలుపండి, రూ. వెయ్యి పొందండి" స్టెన్సిల్ రాతలు, కుటుంబ నియంత్రణ లాంటి గవర్నమెంట్ ప్రమోషన్ పెయింటింగులు... ఏమీ తోచని వాళ్ళు అలా బజార్ కెళ్తే చాలు, తెలీకుండానే సమయం గడిచిపోయేది. ఏ పనీలేక, ఏమీ తోచక రోజంతా బజారుల్లోనే గడిపేసేవాళ్ళూ ఊర్లో చాలా మంది ఉండేవాళ్ళు. ఇంకా బొంతరాళ్ళతో కట్టిన పెద్ద పెద్ద సువిశాలమైన స్కూల్స్, కాలేజ్ లూ, తాలూకా ఆఫీసూ, కోర్ట్, పోలీస్ స్టేషన్, బస్టాండ్, రైల్వే స్టేషన్...ఇలా నా ఎనిమిదేళ్ళవయసుకి "కావలి" చాలా పెద్ద పట్టణం.

మా ఇంటి దగ్గరే ఒక చిన్న నాలుగుగోడల రేకుల గది లో ఉండేవాడు, అప్పుడే కొత్తగా పెళ్లయి కాపురం పెట్టిన "ఎంగటేశులు. ఏవో చిన్న చిన్న పనులు చేసుకుంటూ ఉండేవాడు. బహుశా నాకన్నా ఒక పదేళ్లు పెద్ద ఉంటాడేమో, అంతే. ఆ చుట్టుపక్కల అందరిళ్ళకీ వస్తూ అమ్మనీ, నాన్ననీ విజయక్కా, రామచంద్ర మావా అంటూ పలకరిస్తూ రోజూ ఇంటికి వస్తుండేవాడు.

ఒకసారెప్పుడో స్కూలు నుంచి అలసిపోయి ఇంటికొచ్చిన నాన్న ని బజారు తీసుకెళ్ళమని అడుగుతున్నామేమో...నేను తీసుకెళ్తా అంటూ అప్పుడే ఇంట్లోకి వచ్చిన "ఎంగటేశులు" అనటం, జాగ్రత్తగా తీసుకెళ్ళి, తీసుకొస్తాడో లేదో అన్న డౌట్ తో వద్దులే అని అమ్మ అనటం, లేదు పోవాలని మేము పట్టుబట్టటం, అలా మొదటిసారి మా ముగ్గుర్నీ "బజార్" కి తీసుకెళ్ళుంటాడు "ఎంగటేశులు". అప్పట్నుంచీ రోజూ సాయంత్రం "ఎంగటేశులు" తో చాలా సార్లు బజారుకెళ్ళిన గుర్తులు. ఒకసారి ఎగ్జిబిషన్ పెట్టారు ఊర్లో,  బస్టాండ్ లో బస్సులకోసం ఉండే విశాలమైన స్థలంలో. ఆరోజు బజారుకి తీసుకెళ్ళిన "ఎంగటేశులు" మమ్మల్ని ఎగ్జిబిషన్ కీ తీసుకెళ్ళాడు. ఎగ్జిబిషన్ లోని "రూపాయి ఫొటో స్టుడియో" లో మేమెంతో ముచ్చటపడ్డ "తాజ్ మహల్" తెర ముందు నిలబెట్టి తీయించి తీసుకొచ్చిన ఫొటో కావలిలో మా మొట్టమొదటి ఫొటొ. అప్పట్లో ప్రతిరోజూ భలే చూసుకుని తెగ మురిసిపోయేవాళ్ళం, నిజంగానే తాజ్ మహల్ ఎదురుగా నిలబడి తీసుకున్నంత ఆనందంతో. నాన్న, ప్రతీ ఫొటో వెనకా తీసిన తేది తప్పక వేసేవాడు. ఈ ఫొటో వెనుక నాన్న వేసిన తేది 29-12-1976.

చాలా తక్కువ కాలం, కేవలం కొద్దినెలలే అలా "ఎంగటేశులు" తో నా అనుబంధం. ఆ తర్వాత కావలి కి చాలా దూరం, హిందూపూర్ దగ్గర "కొడిగెనహళ్ళి రెసిదెన్షియల్ స్కూల్" కెళ్ళిపోయాను ఐదవ క్లాస్ లోనే.  మొదటిసారి దసరా శలవులకి, రెండోసారి సంక్రాంతి శలవులకీ ఇంటికొచ్చి గడిపిన పది పదిహేను రోజులు సరిగా గుర్తుకూడా లేవు. సమ్మర్ శలవులకి వచ్చినపుడు ఇళ్ళు తాళం వేసి ఉంది, బ్యాగ్ పక్కన పెట్టుకుని మెట్లమీద కూర్చుని ఏడుస్తూ ఉన్న ఆ గంటో, రెండు గంటలో  మాత్రం బాగా గుర్తుంది. అప్పుడు "ఎంగటేశులు" రాలేదు, బహుశా ఇంట్లో లేడేమో. ఆ తర్వాత ఎప్పుడూ "ఎంగటేశులు" ని కలిసిన గుర్తులు లేవు. ఈ ఫొటో చూసుకున్న ప్రతిసారీ గుర్తుకొస్తూనే ఉంటాడు. "చిన్న శురీ, పెద్ద శురీ" అని నన్నూ అన్ననీ పిలుస్తూ, నవ్వుతూ రోజూ ఇంటికి వస్తూ ఉండేవాడు, మా ముగ్గుర్నీ చేతులుపట్టుకుని నడిపించుకుంటూ బజారుకి తీసుకెళ్తుండేవాడు.

జీవితంలో ఎందరో తారసపడుతూ ఉంటారు, కొందరితో గడిపేది కొద్ది కాలమే అయినా మదిలో ఎప్పటికీ "ఇష్టంగా" మిగిలిపోతారు. గుర్తుకొచ్చిన ప్రతిసారీ ఆప్యాయంగా పలరిస్తూనే ఉంటారు...

మా మంచి "ఎంగటేశులు"... ఎక్కడో ఉండేవుంటాడు, అలాగే నవ్వుతూ పిల్లల్ని ఇప్పటికీ చెయ్యిపట్టుకుని నడిపించుకుని షికారుకో, బజారుకో తీసుకుని వెళ్తూ...

పాటలో దాచుకుంటానూ...

Sri S. P. Balasubrahmanyam, Legendary Indian Singer

Ballpoint Pen on Paper (8.5" x 11")   

ఊహ తెలిశాక బహుశా మొట్టమొదట నా హృదయాన్ని తాకిన పాట "బాలు" గారిదేనేమో. నాలుగేళ్ళ వయసు లో "బుచ్చిరెడ్డిపాళెం" లో ఉన్న రోజులనుంచీ విన్న పాటలన్నీ గుర్తున్నాయి. ఆటాలాడుకుంటుంటే ఇళ్ళల్లో రేడియోల్లోంచి వినబడే పాటల్లో ఏ "బాలు" గారి పాట మొదటిగా నా హృదయాన్ని తాకి ఉంటుంది అని ఎప్పుడాలోచించినా తట్టేవి ఈ రెండు పాటలే:

1. నా హృదయపు కోవెలలో నా బంగరు లోగిలిలో (ఇద్దరమ్మాయిలు) ...

2. ఎక్కడో దూరాన కూర్చున్నావూ, ఇక్కడి మా తలరాతలు రాస్తున్నావూ (దేవుడమ్మ)...

ఇప్పటికీ ఈ పాటలంటే అమితమైన ఇష్టం. విన్న ప్రతిసారీ "బుచ్చిరెడ్డిపాళెం" లో ఊహ తెలిసిన నాటి  ఆనందమైన ఆ రోజుల్లోకెళ్ళిపోతాను.

మొదటిగా నా కలెక్షన్ అని నేను "కావలి" ట్రంక్ రోడ్ నుంచి రైల్వే స్టేషన్ కి వెళ్ళే రోడ్డు మొదట్లో ఉన్న రెండు రికార్డ్ సెంటర్లకీ వెళ్ళి వాళ్ళ లిస్ట్ లో ఏరి కోరి 4 TDK (Made in Japan) క్యాసెట్టుల్లో రికార్డ్ చెయ్యించుకుని నాతో 1996 లో USA కీ తెచ్చుకున్న  అధికభాగం "బాలు" గారి పాటలే. అవన్నీ నా చిన్ననాటి పాటలే!

పై రెండు పాటలతోబాటు అప్పటి నా కలెక్షన్ లో ఇంకా:..

అమ్మ అన్నదీ ఒక కమ్మని మాటా అది ఎన్నెన్నో తెలియనీ (బుల్లెమ్మ బుల్లోడు)...

అందానికి అందానివై ఏ నాటికి నాదనవై (దత్త పుత్రుడు)...

అలకలు తీరిన కన్నులు ఏమనె ప్రియా (మా నాన్న నిర్దోషి)...

అనురాగ దేవత నీవే నా ఆమని పులకింత నీవె (ముత్తయిదువ)...

అందాల నారాణి చిరునవ్వులే చిందితే గాలి ఈల వేసింది (రాముని మించిన రాముడు)...

ఇద్దరమే మన మిద్దరమే ఇద్దరమే కొల్లేటి కొలనులో సరికొత్త అలలపై (కొల్లేటి కాపురం)...

ఇది ఎన్నడు వీడని కౌగిలి మది ఎదలను కలిపిన రాతిరి (ప్రేమ జీవులు)....

ఇదే పాటా ప్రతీ చోటా ఇలాగే పాడుకుంటానూ (పుట్టినిల్లు మెట్టినిల్లు)...

ఈ నాడు కట్టుకున్న బొమ్మరిల్లూ (పండంటి కాపురం)...

ఈ రేయి తీయనిదీ, ఈ చిరుగాలి మనసైనదీ (చిట్టి చెల్లెలు)... 

ఎన్నాళ్ళో వేచిన ఉదయం ఈనాడే ఎదురౌతుంటే(మంచి మిత్రులు)...

ఎన్నెన్నో జన్మల బంధం నీదీ నాదీ (పూజ)...

ఎడారిలో కోయిలా తెల్లారనీ రేయిలా (పంతులమ్మ)...

ఎవరికి తెలుసు చితికిన మనసు చితిగా రగులుననీ (మల్లెపువ్వు)...

ఏ దివిలో విరిసిన పారిజాతమో(కన్నెవయసు)...

ఒక జంట కలిసిన తరుణాన జేగంట మోగెను గుడిలోనా (బాబు)...

ఓ బంగరు రంగుల చిలకా పలకవే (తోటరాముడు)...

ఓ చిన్నదాన నన్ను విడిచిపోతావటె (నేనంటే నేనే)...

కలువకు చంద్రుడు ఎంతో దూరం కమలానికి సూర్యుడు మరీ దూరం (చిల్లర దేవుళ్ళు)...

కలిసే కళ్ళలోనా కురిసే పూల వానా (నోము)...

కాపురం కొత్త కాపురం ఆలుమగలు కట్టుకున్న అనురాగ గోపురం (కొత్త కాపురం)...

కురిసింది వానా నా గుండెలోనా (బుల్లెమ్మ బుల్లోడు)...

కుశలమా నీకూ కుశలమేనా మనసు నిలుపుకోలేక మరీ మరీ అడిగాను (బలిపీఠం)...

కొమ్మకొమ్మకోసన్నాయీ కోటి రాగాలు ఉన్నాయీ (గోరింటాకు)...

కొండ పైనా వెండి వానా అది గుండెల్లో కొత్త వలపు కురిపించాలీ (ఇంటి దొంగలు)...

గులాబి పువ్వై నవ్వాలి వయసు ఇలాగె మనమూ ఉండాలిలే (అన్నదమ్ముల అనుబంధం)...

చిరునవ్వుల తొలకరిలో సిరిమల్లెల చినుకులలో (చాణక్య చంద్రగుప్త)...

చీకటి వెలుగుల కౌగిటిలో చిందే కుంకుమ వన్నెలు (చీకటి వెలుగులు)...

తనివి తీరలేదే నా మనసు నిండలేదే (గూడు పుఠాణి)...

తనువా ఊహు హరిచందనమే (కధానాయకుడు)...

తొలిసారి ముద్దివ్వమందీ చెలి బుగ్గ చేమంతి మొగ్గ (ఎదురీత)...

దేవుడు చేసిన పెళ్ళి ఇదే ఆ దేవుని లీల ఇదే (పిచ్చోడి పెళ్ళి)...

దోరవయసు చిన్నది లా లా ల ల లా భలే జోరుగున్నది (దేవుడు చేసిన మనుషులు)...

నవ్వులు రువ్వే పువ్వమ్మా నీ నవ్వులు నాకూ ఇవ్వమ్మ (గాజుల కిష్టయ్య)...

నవ్వుతూ బ్రతకాలి రా తమ్ముడూ నవ్వుతూ చావాలి రా (మాయదారి మల్లిగాడు)...

నయనాలు కలిసె తొలిసారీ హృదయాలు కరిగె మలిసారీ (ఛైర్మన్ చలమయ్య)...

నాకోసమే నీవున్నది ఆకాశమే అవునన్నది (అన్నదమ్ముల సవాల్)...

నిన్ను మరచి పోవాలనీ అన్ని విడిచి వెళ్ళాలని (మంచి మనుషులు)...

నీలాలా నింగిలొ మేఘాలా తేరులొ ఆపాలా పుంతలో నీ కౌగిలింతలో (జేబుదొంగ)...

నీ పాపం పండెను నేడూ నీ భరతం పడతా చూడు (బుల్లెమ్మ బుల్లోడు)...

నీలీ మేఘమా జాలీ చూపుమా ఒక్క నిముషమాగుమా (అమ్మాయిల శపథం)...

నేనొక ప్రేమ పిపాసిని నీవొక ఆశ్రమ వాసివి (ఇంద్ర ధనుస్సు)...

ప్రణయరాగ వాహినీ చెలీ వసంత మోహినీ (మాయా మశ్చింద్ర)...

పాల రాతి మందిరానా పడతి బొమ్మ అందం (నేనూ మనిషినే)...

పూలు గుస గుస లాడేననీ సైగ చేసేననీ (శ్రీవారు మావారు)...

మన జన్మభూమీ బంగారు భూమీ పాడిపంటలతొ పసిడిరాశులతొ (పాడిపంటలు)...

మనసే జతగా పాడిందిలే తనువే లతలా ఆడిందిలే (నోము)...

మల్లెలు పూసే వెన్నెల కాసే ఈ రేయి హాయిగా (ఇంటింటి రామాయణం)...

మేడంటే మేడా కాదూ గూడంటే గూడూ కాదు (సుఖదుఃఖాలు)...

మేఘాల మీద సాగాలీ అనురాగాల రాశిని చూడాలి (దేవదాసు - కృష్ణ)...

రాధా అందించు నీ లేత పెదవి (జేబుదొంగ)...

రాశాను ప్రేమలేఖలెన్నో దాచాను ఆశలన్ని నీలొ (శ్రీదేవి)...

సిరిమల్లె నీవె విరిజల్లు కావె (పంతులమ్మ)...

సిరిమల్లె పువ్వల్లె నవ్వు చిన్నారి పాపల్లె నవ్వూ (జ్యోతి)...

సిన్ని ఓ సిన్నీ ఓ సన్న జాజుల సిన్నీ (జీవన జ్యోతి)...

సెలయేటి గల గలా చిరుగాలి కిల కిలా (తులసి)...

"బాలు" గారి పాటలతో నాకే కాదు, నా బొమ్మలకీ విడదీయరాని "అనుబంధం". ఎప్పటికీ "బాలు" గారిపై నా అభిమానాన్ని ఆయన పాటలతో నా బొమ్మల్లో, నా బొమ్మలతో ఆయన పాటల్లో నా గుండెల్లో పదిలంగా దాచుకుంటాను...

🙏😢

"దివ్య స్మృతి" కి ప్రేమతో...

Sri S. P. Balasubrahmanyam, Legendary Indian Singer

Ballpoint Pen on Paper (8.5" x 11")    

నా అభిమాన "బాలు" గారి "దివ్య స్మృతి" కి ప్రేమతో...

యావత్ భారతావనికీ తన పాటలలో స్వరమాధుర్యాన్ని జీవితాంతానికీ నిండా నింపి ఇచ్చి దివికేగిన "బాలు" గారు తెలుగు వాడిగా, మన వాడిగా పుట్టటం, "తెలుగు" తల్లికి ఎప్పుడో గంధర్వులిచ్చి తరించిన "దివ్య వరం".

తెలుగు పాటకే కాదు, తెలుగు మాటకూ, మాట నడవడికకూ వన్నె, గౌరవం తెచ్చిన స్వరం, వ్యక్తిత్వం "బాలు" గారిది.  సంగీతంతో గళం కలిపి లయబద్ధంగా చేసే స్వరవిన్యాసంలో, అక్షర ఉచ్ఛారణలో స్పష్టత తోబాటు, ప్రతి పదానికీ 'భావం', 'అనుభూతి' రెండూ జోడించి, పాడిన ప్రతి పాటకీ జీవం పోశారు మన "బాలు" గారు.

ఈ గాలీ, ఈ నేలా, ఈ ఊరూ, సెలయేరూ, "బాలు" గారిని కన్న ఈ తెలుగు నేలా, తెలుగు భాషా ఉన్నంత కాలం ఆ స్వరం వినబడుతూనే ఉంటుంది, అమృతాలొలికిస్తూనే ఉంటుంది.

కళాకారుడు వెళ్తూ ఇక్కడే వదలి వెళ్ళే ఆ కళ ఆనవాళ్లలో ఆ ఆత్మ ఎప్పటికీ సజీవంగానే ఉంటుంది. అందుకేనేమో (కళాకారుడి) కళకి మరణం లేదు అంటారు.

నా బొమ్మలన్నింటిలోనూ "బాలు" గారి స్వరం మిళితమై ఉంటుంది. ఈ బొమ్మలోని ప్రతి గీతలోనూ ఒదిగిన నా "మనసు తడి" తో బాటు "బాలు" గారి "సుమధుర స్వరమూ" దాగి ఉంది.

అంతటి మహానుభావుడు "బాలు" గారి "దివ్య స్మృతి" కి ప్రేమతో, భక్తితో ఈ చిత్రాన్ని సమర్పించుకుంటూ...

గత నలభై రోజులుగా "బాలు" గారు కోలుకుని నవ్వుతూ రావాలని 

ఆశిస్తూ తపించిపోయిన హృదయాలెన్నో...

మనల్ని వీడి దివికేగిన ఈరోజు బాధతో బరువెక్కిన గుండెలు ఇంకెన్నో...

కంట తడి పెట్టి చెమర్చిన కళ్ళు మరెన్నో...

తడిసి ముద్ద అయిన అభిమానుల మనసులు ఎన్నెన్నో...

"బాలు" గారిని అభిమానించే "ప్రతి మనసు" కీ

నా అభిమాన "బాలు" గారి "దివ్య స్మృతి" కి ప్రేమతో

అంకిత భావంతో గీసిన

ఈ చిత్రం అంకితం!

🙏😢

~~~  ~~~ ~~~ 

"బాలు" గారితో, Chicago, USA, Sep 18, 2004

నా అభిమాన గాయకుడు "బాలు" గారిని ప్రత్యక్షంగా చూడటం జీవితంలో ఒక్కసారే Chicago లో వెళ్ళిన 3 గంటల Music Concert లో కలిగింది. కలవటానికి ఎవ్వరికీ అనుమతిలేని ఆ సాయంత్రం, నేను గీసిన "బాలు" గారి బొమ్మ, జయలక్ష్మి చూపిన చొరవతో నన్ను ఆయన దరి చేర్చింది. "బాలు" గారితో అలా ఓ పది నిమిషాలు గడపగలగటం నా జీవితంలో కలిగిన అదృష్టంగా, ఆ క్షణాలు మిగిల్చిన అనుభూతుల్ని "గొప్ప వరం" గా ఎప్పుడూ భావిస్తూనే ఉన్నాను, ఉంటాను...

నిన్న గాక మొన్నే "బాలు" గారి పుట్టినరోజని ఆనందం FB లో పంచుకున్నా...

మన అభిమాన "బాలు" గారినీ, ఆ మధుర క్షణాల్నీ మళ్ళీ తలచుకుంటూ....

There goes away, a piece of my heart from (ho)me!

Day-1 with my "heart" in my hands, Urbana, IL, USA 

"Bhuvan?"

"Yeah"
"Can you come down for a sec? It's opinion time and I need your opinion."

"Ok"

"How is it?"

"It's good."

"Just good?"

"Very good!"

Last few years, I have been seeking Bhuvan's opinion on every single painting I worked on. Oftentimes he either says 'good' or 'very-good'. Sometimes, he even identifies areas of improvements. He has been my first critic, the very first person to see most of my completed Art works.

Bhuvan has never been away from me for more than a couple of weeks. It happened only once when he went to India on vacation with his mom and brother Rithvik. That was almost 10 years ago when he was little. I was asking him the other day if he ever was away from me for few days except his trip to India that I could not join. He reminded me his one-week school-trip to Washington D.C. in his 9th grade. Of course, that was another instance.

Bhuvan is a grown-up kid now, and goes all the way to Univ. of Michigan, Ann Arbor, MI, far away from (ho)me for his undergrad. I suddenly feel void in my life. I really don’t know how I lived before Bhuvan came into my life with a smile. When he smiled every single time I took him into my hands, on day-one in the hospital, I felt like my Dad came back into my life. His very first daycare caretaker “Susan” always used to say to me, “He is so cute, I don’t want him to grow up.”. I said the same to myself many times, year after year, every single year as he was growing up.

Time flies faster than we think, it flew-by very fast with Bhuvan in my life. It's only like yesterday that I was driving him to Kumon classes, RSM classes, FLL Robotics, Sunday classes at MIT, Soccer games, Basketball games, Ultimate Frisbee games, Tennis plays, daily Karate classes for 7 years until he got his black-belt, Swimming classes, Swimming meets, Piano classes, Violin classes, Sunday Prajna classes, Art classes, numerous birthday parties, Sleepovers, Hindu temples, cultural events and competitions he participated, events we attended, every family-trip we made in the past 17 years, and the list goes on. My evenings and weekends, last 17 years were mostly filled with him and his classes.

Now, suddenly new questions: "How am I going to live?" and "What am I going to do?" pop up in my mind, making me go blank. I was always hoping he would go to a college close to where we live, definitely not hundreds and hundreds of miles away. On one side I feel happy that Bhuvan chose one of the finest universities in the country and in the world. On the other half, I go unhappy as I miss him already. I knew this day arrives one day, but it arrived faster than I thought it would. It's been only two days since we dropped him off at his college. I am missing my heart already.

Whenever I say, "Bhuvan, you are my best friend.", he just nods his head. A follow-up saying, "Bhuvan, I am your best friend.", he simply smiles. That smile Bhuvan gives me is the same smile he gave me on day-one when he arrived in my life. The same smile that keeps me alive even when he stays away from (ho)me.

"Bhuvan, I left a piece of my heart in your college campus."

"I will collect it when you bring it back home with you once you finish your college."

"I am always your best friend."

"Give me that smile again..."

"Miss you!"

"Love you!"

- Your Best Friend

       ~ ~ ~ ~ ~

 

“Children make you want to start life over.” ~ Muhammad Ali

Bhuvan at his best, any sport he plays

His dream starts @ UMich, Michigan, USA

With my best friend in my life...@ UMich, Aug 29, 2020

బామ్మ...

బామ్మ (1993, దామరమడుగు)  

 

"అయ్యా...నాకేమైన ఉత్తరం వచ్చిందా?"

అటుగా వెళ్తున్న పోస్ట్ మ్యాన్ ని చూసి వాకిట్లో మెట్లపైన కూచుని, రోజూ ఆ సమయానికి అటు వస్తూ పోతూ ఉండే పిల్లా పెద్దని పరికిస్తూ, ప్రశ్నిస్తూ ఉండే  బామ్మ ప్రశ్న.

"లేదు బామ్మా" అంటూ చేతిలో ఉత్తరాల కట్ట సర్దుకుంటూ వెళ్లిపోయిన పోస్ట్ మ్యాన్.

మరుసటిరోజూ అదేవేళకి మళ్ళీ వాకిట్లో బామ్మ. ఇల్లు దాటి ముందుకి పోబోతున్న పోస్ట్ మ్యాన్ ని ఆపి  మళ్ళీ ప్రశ్న.

"అయ్యా...మా అబ్బాయి గిరి లండన్ లో ఉన్నాడు, నాకేమైనా జాబు రాశాడా?"

"అబ్బా....ఈమెకి లండన్ నుంచి రావాలయ్యా ఉత్తరం...ఏం లేవు పో బామ్మా." ఈసారి ఆ సమాధానంలో కొంచెం విసుగూ, వెటకారం.

ఆ మరుసటిరోజు...అదేవేళకి...ఈసారి బామ్మ వాకిట్లో కూచుని లేదు, ఇంట్లో లోపల ఏదో పనిలో ఉండగా మెట్లెక్కి, వరండా దాటి లోపలికొచ్చి, తలుపు దగ్గర నిలబడి, "బామ్మా..." అన్న పిలుపు.

ఆ పిలుపు పోస్ట్ మ్యాన్ దే.

పిలిచిన కాసేపటికి నిదానంగా "ఏయ్యా" అంటూ కళ్ళజోడు సరిజేసుకుంటూ వచ్చిన బామ్మతో పోస్ట్ మ్యాన్...

"ఇదుగో బామ్మా, నీకు ఉత్తరం వచ్చింది, ఆ...లండన్ నుంచే బామ్మా, నీ గిరి దగ్గరి నుంచే" అంటూ చేతిలో ఉత్తరం పెట్టిన పోస్ట్ మ్యాన్ తో...

"నేంజెప్పలా...మా గిరి లండన్ లో ఉండాడని...నీకంతా ఎకసెకం నేనంటే." అంటూ ఉత్తరం తీసుకున్న బామ్మ.

"లేదులే బామ్మా" అంటూ ఉత్తరాల కట్ట సర్దుకుంటూ మెట్లు దిగి వెళుతున్న పోస్ట్ మ్యాన్...

ఆ క్షణం అక్కడలేకున్నా ఆ "బామ్మ" పసిమనసెంత ఆనందంతో నిండిపోయి ఉబ్బితబ్బిబ్బయ్యి ఉంటుందో ఆ బామ్మ ప్రేమని పొందిన ఆమె ముద్దుల మనవడు "గిరి" ఊహించగలడు.

తొమ్మిదేళ్ళ వయసు లో 5 వ క్లాస్ నుంచీ హాస్టల్స్ లోనే ఉంటూ గిరి చదువంతా ఇంటికి దూరంగానే సాగింది. చదువయ్యాక జాబు కోసం హైదరాబాదు ప్రయాణం. మూడు నెలల్లోనే మొదటి జాబు, మళ్ళీ కొత్త జాబు బొంబాయి లో, అట్నుంచి అటే జాబు పని మీద 3 నెలలు లండన్ పయనం. "అప్పుడప్పుడూ దామరమడుగులో బామ్మ కి ఉత్తరం రాస్తుండు" అని 5 వ క్లాస్ లో నాన్న రాసిన ఉత్తరాల్లో ని మాటలు చదువు ముగిసి జాబ్ లో చేరినా తూ...చ...తప్పకుండా పాటిస్తూ వచ్చిన గిరి.

ఆ "బామ్మ" ముద్దుల మనవడు "గిరి" ని నేనే. నన్ను ప్రాణంకన్నా ఎక్కువగా ప్రేమించి, తన జీవితం అంతా మాకోసమే మాతోనే ఉండి, నేను దగ్గరలేకుండానే కనుమూసి మా నాన్నను చేరుకుంది "నా బామ్మ"!

నేను పూర్తిగా తెలుగులో తన కళ్ళకి కట్టినట్టు లండన్ వైభవాలూ, విశేషాలూ వివరిస్తూ రాసిన ఆ ఉత్త్రరం ని, పాతదై, ముందూ వెనుకా చాలా పేజీలు పోయి, ఒక్కొక్క పేజీ చిరిగిపోతూ వస్తున్న తన మహాభారతం పుస్తకంలో మా దామరమడుగు ఇంట్లో రేడియో టెబుల్ డ్రాయర్ లో పెట్టుకుని అప్పుడప్పుడూ చదువుకుంటూనే ఉండేది "బామ్మ".

బామ్మకి తెలుగు చదవటం రాయటం బాగా వచ్చు, నిదానంగా అక్షరాలు తప్పుల్లేకుండా గుండ్రంగా రాసేది.. రామాయణం, మహాభారతం వంటి పెద్ద ఇంతింత లావు పుస్తకాలు ఉండేవి. ఇంగ్లీష్ లో P.R.C అన్న మూడు అక్షరాల్ని మాత్రమే చదవగలదు. మరే అక్షరమూ గుర్తుపట్టటం రాదు, నేర్చుకోలేక కాదు. ఈ లోకంలోనే తనకి అత్యంత ఇష్టమైన మా నాన్న "పి.రామచంద్రయ్య" తన షార్ట్ నేమ్ రాస్తే P.R.C అనే రాసేవాడు. ఆ మూడు ఇంగ్లిష్ అక్షరాల్నే బామ్మ ఇష్టపడింది.

నేటికి సరిగ్గా 26 సంవత్సరాల క్రితం నా మొదటి విదేశీయానం. ఆగస్ట్ 15, 1994, బోంబే టు లండన్.

"బామ్మ" ని గుర్తుచేసుకుంటూ...

నిండా కన్నీళ్ళు నిండిన కళ్లతో...

మళ్ళీ చాలా సంవత్సరాల తర్వాత...

"బామ్మ" కి ప్రేమతో...

- నీ "గోవర్ధన" గిరి

బామ్మతో నేనూ, అన్న (1993, కావలి)

London, 1994

London, 1994

నవ్వుల పువ్వుల వెన్నెల...

Portrait of Chi. Karronya Katrynn 

Watercolors on Paper (12" x 16")

నవ్వుల పువ్వుల వెన్నెలా...

వెన్నెల నవ్వుల పువ్వులా...

పువ్వుల వెన్నెల నవ్వులా...

ఈ "చిన్నారి" కి "పుట్టినరోజు శుభాకాంక్షలు"!

Happy Birthday Chi. Karronya!

I believe this painting unquestionably moved me one step up in both Watercolor painting and Portrait painting. It was very challenging to capture the beautiful smile of Chi. Karronya as beautiful as it was.

I am extremely happy with my efforts. Of course, best efforts give best results. I always used to say 'my best is yet to come`. I can now proudly say, "one of my best has come".

Happy Painting! Happy Memories!!

"Be at your best, beat your best."

- Giri Pottepalem

Details 
Title: నవ్వుల పువ్వుల వెన్నెల...

Inspiration: Talented Dancer & Telugu Actress Karronya Katrynn
Mediums: Watercolors
Size: 12" x 16" (30.5 cm x 40.5 cm)

Surface: Fabriano extra-white Watercolor Paper, Cold Press, 140 LB